Beredskap

Hareid og Ulstein brannvesen har to brannstasjonar - ein i kvar kommune.
På kvar brannstasjon er det fire vaktlag med dreiande vakt.

Døgnet rundt og året gjennom er brannmannskap klare til å rykke ut. Oppgåvene dreiar seg om vern av menneske, miljø og materielle verdiar. Brannvesenet er godt trent og øvd for å handtere uforutsette hendingar som kan skje i dagens samfunn.

Førebyggande tiltak

Hareid og Ulstein brannvesen føretek kontroll og tilsyn ved større bedrifter, overnattingsstadar, alders- og sjukeheimar m.m. for å sørge for at brannsikkerheita vert ivaretatt på riktig måte.

Brannvesenet har også førebyggande brannvernsamarbeid med skular og barnehagar m.m. 

Andre førebyggande tiltak i kommunane:

• informasjonstiltak
• nasjonale kampanjar (brannvernsveka, open brannstasjon, komfyrvaktkampanje)
• branntilsyn av særskilde brannobjekt
• sakshandsaming av bålsøknadar, fyrverkeriutsal, melding om overnatting i bygg der det vanlegvis ikkje er overnatting, og melding om større arrangement
• sakshandsaming av bekymringsmeldingar (forhold som potensielt kan føre til brann) og innmelding av farlege stoff

Kontakt

• Ved brann, eller mistanke om brann - Ring 110
• Har du spørsmål om brannvern i kommunane - Ring brannvakt på tlf. 911 14 242