Faktura, avgifter og gebyr

På denne sida finn du oversikt over prisar, gebyr og avgifter for tenester i Ulstein kommune.

Faktura

Få oversikt over fakturaene dine frå kommunen:

Her får du sjå alle fakturaene du har fått frå kommunen, og om dei er betalt eller ikkje. I tillegg er det mogleg å søke om betalingsutsetting.

Les meir om dette her.

Barnehage

Betalingssatsar for kommunal barnehageplass

Betalingssatsar for kommunal barnehageplass
Plass	Prisar frå 01.01.2024	Prisar frå 01.08.2024*
100 %	3 000 kroner	2000 kroner
80 %	2 400 kroner	1 600 kroner
60 %	1 800 kroner	1 200 kroner

* Reduksjon i foreldrebetaling frå 01.08.2024, vedteke i statsbudsjettet.

Kostpengar og andre tenester kjem i tillegg.

Her finn du informasjon om søskenmoderasjon, redusert foreldrebetaling og gratis kjernetid.

Bygg, eigedom og plan – kommunale avgifter

Samla oversikt over kommunale avgifter

Samla oversikt over kommunale avgifter (PDF, 28 kB).

Kommunale gebyr - sjølvkost VA - budsjett 2025 (PDF, 402 kB)

Vatn- og avløpsgebyr

Årsgebyr for vatn og avløp består av ein fast del (abonnementsgebyr) og ein variabel del (forbruksgebyr).

Her finn du pris-informasjon om dei ulike delane, og tilknytingsavgift.

Gebyr for feiing og tilsyn

Gebyret for feiing og tilsyn betalar for kommunen sitt tilbod om feiarteneste.

Her finn du pris-informasjon om gebyr for feiing og tilsyn, og terminoversikt.

Eigedomsskatt

Skatten gjeld faste eigedomar i heile kommunen, unnateke næringseigedom, kraftverk, vindkraftverk, kraftnettet og anlegg omfatta av særskattereglane for petroleum. Alle bustad- og fritidseigedomar (også våningshus, garasjar og naust) og ubygd grunneigedom er omfatta. Tomter regulert til næring er ikkje omfatta.

Skattesatsen er 1,5 promille av bustadverdien. Kommunestyret har vedteke at grunnlaget for eigedomsskatten skal vere bustadverdiane i registeret «Formuegrunnlag for likning av bustader i Ulstein kommune» frå skatteetaten.

Når fakturaen kjem og relevante spørsmål og svar finn du i denne artikkelen.

Søk fritak frå eigedomsskatten.

Renovasjonsgebyr

Du kan velje mellom ulike abonnement alt etter kor mykje avfall husstanden din har. Eit standardabonnement er 5 388 kroner (2025). Faktura vert sendt ut tre gongar per år (januar, mai og september).

På SSR - Søre Sunnmøre reinhaldsverk sin nettstad finn du meir informasjon om dei ulike abonnementstypane og tilleggsgebyr. Der kan du også søke om endring og fritak.

Kva kostar det å bygge?

Døme på gebyrsatsar for mindre tiltak:

2025-Gebyr for byggesak, mindre tiltak
Teneste	Pris
Tilbygg	7 290 kr
Garasje	7 290 kr
Veranda, karnapp o.l.	5 565 kr
Bruksendring	5 565 kr

Døme på gebyrsatsar for større tiltak ved bruk av føretak:

2025-Gebyrsatsar for byggesak, større tiltak
Teneste	Pris
Einebustad (ev. garasje er inkludert)	21 370 kr
Fritidsbustad	21 370 kr
Tilbygg og påbygg inntil 100 m²	8 904 kr
Garasje og naust 50-100 m²	9 794 kr
Fasadeendring	6 290 kr

Seksjonsering og reseksjonering

Seksjonering er å dele opp ein bygning i fleire eigarseksjonar, slik at fleire kan eige kvar sin del av bygninga og ev uteområda. Endringar av allereie seksjonerte eigendommar kallas reseksjonering.

2025 Seksjoneringsgebyr
Teneste	Pris
Til og med 4 seksjonar	10 829 kr
5 - 8 seksjonar	16 244 kr
Frå 9 seksjonar, tillegg pr ny seksjon	880 kr
Tillegg for synfaring	4 738 kr

2025 Reseksjoneringsgebyr
Teneste	Pris
1 - 4 seksjonar eller fellesareal endrast	16 244 kr
5 - 8 seksjonar eller fellesareal endrast	21 657 kr
Frå 9 seksjonar, tillegg pr ny endra seksjon	1 218 kr
Tillegg for synfaring	4 738 kr

Gebyr for arbeid etter matrikkellova

Her er dei ulike takstane for arbeid etter matrikkellova(PDF, 172 kB).

Kostnadar som kommunen vert påført i samband med å hente inn relevante opplysningar i samband med oppmålingsforretninga og gebyr og avgifter som kommunen skal krevje inn for statlege etatar som til dømes tinglysingsgebyr og dokumentavgift, vert fakturert vidare til rekvirenten og kjem i tillegg til takstane i vedlagde dokument.

Kjøp av eigedomsopplysningar på e-Torg

e-Torg er ein nettbutikk for digitale kart og byggesakstenester for sunnmørskart-kommunane.

Informasjon og pris for dei ulike teneste finn du inne på e-Torg.

Tomter til sals og tomtepris

Gebyr for behandling av reguleringsplanar

2025 Gebyr for behandling av reguleringsplan
Plantype	Pris
Timepris -for tenester som vert fakturert etter tida som har gått med (justeringar av plankart, føresegner, utgreiingar m.m.)	kr 1 210 pr. time
Oppstartmøte	kr 12 632
Oppstartmøte - forenkla planprosess	kr 6 316
Handsaming av framlegg til detaljregulering inntil 1-5 bueiningar* eller inntil 500 m² næringsformål eller inntil 1000 m² anna formål	kr 69 563
Handsaming av framlegg til detaljregulering 6-10 bueiningar* eller inntil 1000 m² næringsformål eller inntil 5000 m² anna formål	kr 91 823
Handsaming av framlegg til detaljregulering over 10 bueiningar* eller over 1000 m² næringsformål eller over 5000 m² anna formål	kr 116 309
Handsaming av framlegg til detaljregulering med planprogram og konsekvensutgreiing - tillegg til gebyr ovanfor	kr 28 771
Forenkla planprosess etter § 12-14 andre ledd - administrativ handsaming	kr 8 793
Forenkla planprosess etter § 12-14 andre ledd - politisk handsaming, inntil 8 bueiningar/2 firmannsbustadar	kr 22 983
Forenkla planprosess etter § 12-14 andre ledd - politisk handsaming, fleire enn 8 bueiningar/næringsformål	kr 35 000
Mangelbrev	kr 4000

Fullstendig gebyrregulativ for arbeid etter plan- og bygningslova finn du her(PDF, 218 kB).

Frikjøp av parkeringsplassar

Her er reglement for praktisering av frikjøpsordninga, og satsen for frikjøp(PDF, 109 kB).

Helse og omsorg

Tenester i heimen

Dagsenter for eldre heimebuande

Betalingssats for opphald på dagsenter

Betalingssats for opphald på dagsenter
Tilbod	Betalingssats per dag
Dagsenter for eldre heimebuande	189 kroner

Dagsenteret er eit dagtilbod ved Alvehaugen bu- og rehabiliteringssenter med ulike aktivitetar, trening etter ønske og behov, samt måltidsfellesskap. Målgruppa er heimebuande eldre, personar med nedsett funksjonsevne og bebuarar ved Alvehaugen.

Heimehjelp og praktisk bistand

Betalingssats for heimehjelp og praktisk bistand (uavhengig av tal timar)

Betalingssats for heimehjelp og praktisk bistand (uavhengig av tal timar)
Grunnbeløp i folketrygda	Inntekt per år	Abonnement per månad
Inntil 2G	0–248 050 kroner	240 kroner (sentral forskrift) *
2–3G	248 051–372 075 kroner	1 630 kroner
3–4G	372 076–496 100 kroner	2 040 kroner kroner
4–5G	496 101–620 140 kroner	2 450 kroner
Over 5G	620 141 kroner	2 765 kroner

Timesats for enkelttimar*		465 kroner per time – til du når satsane i tabellen

Abonnementsprisen er basert på hustanden si samla netto inntekt før særfrådrag med inntektsgrenser som følger grunnbeløpet i Folketrygda. Abonnementsprisane vert regulert 1. januar kvart år.

1 G = 124 028 kroner per 01.05.2024.

Mat- og middagslevering

Betalingssats for mat- og middagslevering

Betalingssats for mat- og middagslevering
Sal av mat	Betalingssats pr. porsjon
Full kost i omsorgsbustad	210 kroner per døgn
Middag	125 kroner per porsjon
Frukost/lunsj/kvelds	75 kroner per porsjon

Regelmessig og rett kosthald er viktig for å oppretthalde eit godt funksjonsnivå. Heimebuande eldre eller andre personar som på grunn av sjukdom, alder eller andre årsaker ikkje er i stand til å vareta eige næringsbehov, kan få levert mat og middag. Middagen vert levert heim porsjonert, varm og vakuumpakka. Det er kjøkkenet på Alvehaugen bu- og rehabiliteringssenter som lagar maten.

Tryggleiksalarm

Betalingssats for tryggleiksalarm

Betalingssats for tryggleiksalarm
Teneste	Betalingssats per månad
Tryggleiksalarm	420 kroner

Tryggleiksalarm er ein sendar du ber på deg som du kan bruke for å kome i kontakt med helsefagleg personell i ein akutt situasjon. Tryggleiksalarmen er tilknytt vaktsentralen til heimesjukepleia som rykker ut heile døgnet dersom alarmen går.

Alarmen skal medverke til å skape tryggheit og sikkerheit for dei som kjenner seg utrygge ved å bu åleine. Målgruppa er eldre og menneske med nedsett funksjonsevne som kjenner seg utrygge i heimen.

Sjukeheim og omsorgstenester

Korttidsopphald i institusjon

Betalingssats for korttidsopphald i institusjon

Betalingssats for korttidsopphald i institusjon
Tilbod	Betalingssats per dag/døgn
Korttidsopphald i institusjon	200 kroner (sentral forskrift*)

Tenesta korttidsplass er eit målretta og tidsavgrensa opphald på Alvehaugen bu- og rehabiliteringssenter. Opphaldet kan vare frå ein dag til fleire veker. Målgruppa er pasientar frå sjukehus eller heim som treng opphald for rehabilitering, utgreiing eller behandling, og pasientar som treng lindring ved livets slutt.

Ved korttidsopphald over 60 døgn i eit kalenderår vert betaling for opphaldet rekna ut etter reglar om eigenbetaling for langtidsopphald (eiga forskrift).
Kommunalsjef kan i særskilte høve gjere unntak frå betalingsreglane.

*Satsane i sentral forskrift vert fastsett i samband med statsbudsjettet.

Langtidsopphald i institusjon

Langtidsplass er ein fast plass og eit butilbod utan tidsavgrensing, og er meint for personar med døgnkontinuerleg behov for pleie og omsorg.
Prisen for ein langtidsplass vert rekna ut frå din grunnpensjon i folketrygda. Sjå nærare utrekning i § 3 i Forskrift om eigenandel for kommunale helse- og omsorgstenester.

Omsorgsbustad

Ein omsorgsbustad er ein tilrettelagd bustad med tilgang til døgnkontinuerleg teneste. Personar med auka omsorgsbehov, som ikkje lenger kan bu i opphaveleg heim, kan få omsorgsbustad.
Husleiga på dei ulike omsorgsbustadane varierer etter storleik og standard.

Dag- og nattopphald i institusjon

Dette er ei særskilt teneste som vert oppretta når nokon har særskilde behov. Til dømes: dersom heimeverande kone/mann skal på sjukehus ein dag, og ingen kan sjå til kona/mannen som er heime.

Døgnopphald/akutt hjelp

Akutt hjelp og døgnopphald på sjukeheimen er eit opphald som erstattar innlegging på sjukehus. Det er berre lege som kan legge inn pasientar på akutt døgnopphald.
Tenesta er gratis og kan innvilgast i inntil 72 timar. Ved behov for vidare medisinsk oppfølging i sjukeheim, vert vedtaket omgjort til eit korttidsopphald.

Andre betalingssatsar

Andre betalingssatsar
Kva	Pris per dag/døgn
Heimesjukepleie	gratis
Dag/nattopphald i institusjon	115 kroner (sentral forskrift*)
Forbruksvarer omsorgsbustad	230 kroner

Helsestasjonen

Vaksinar

Alle vaksiner i barnevaksinasjonsprogrammet er gratis.

Reisevaksinasjon er ei teneste du må betale for og dei ulike reisevaksinane varierer i pris. I Ulstein kommune er det fastlegen du må ta kontakt med for å få reisevaksinasjon: Ulstein legesenter, 70 01 89 89.

I tillegg til barnevaksinasjonsprogrammet og reisevaksinar finst det ei rekke andre vaksinar som vert tilbode. Til dømes influensavaksine, vaksine mot lungebetennelse, smittsam hjernehinnebetennelse, HPV-vaksine og koronavirus. Desse vaksinane må du i dei fleste tilfella betale for, med unntak av vaksinen mot koronavirus.

På helsestasjonsportalen finn du meir informasjon om vaksinar.

Skulehelseteneste

Skulehelsetenesta finst på alle barne-, ungdoms- og vidaregåande skular. Skulehelsetenesta er ansvarleg for vaksinasjon av barn og ungdom, og gir i samarbeid med skulen tilbod om undervisning i klasser, i tillegg til grupper og individuelle samtalar.
Tenesta er gratis.

Helsestasjon for ungdom

Helsestasjon for ungdom er eit lågterskeltilbod for gutar og jenter i alderen 13-20 år, og er eit supplement til skulehelsetenesta.
Tenesta er gratis.

Gravid

Er du gravid har du tilbod om svangerskapskontroll hos jordmor på helsestasjonen eller hos din fastlege. Du kan sjølv velje om du vil nytte jordmor, fastlege eller ein kombinasjon av desse.
Tilbodet er gratis.

Fødsels- og foreldreførebuande kurs er eit kurs for dei som skal bli foreldre, slik at dei får auka kunnskap og tryggleik kring fødselen og foreldrerolla.
Tilbodet er gratis.

Meir info finn du på helsestasjonsportalen vår.

Kultur og idrett

Halleige for Ulsteinhallen

Halleige for Ulsteinhallen
Ulsteinhallen, kvardagar kl. 16.00-22.00	Friidrettsdelen	Del A	Del B
Kostnad per årstime	3 000 kr	1 500 kr	1 500 kr

Kontakt

Annika Brandal, kulturkonsulent/driftsleiar anlegg

E-post: annika.brandal@ulstein.kommune.no

Halleige for Ulstein Arena

Halleige for Ulstein Arena
Ulstein Arena, kvardagar kl. 16.00-21.30	Heil hall	Halv hall	Kvart hall
Kostnad per årstime	3 000 kr	1 500 kr	750 kr

Kontakt

Annika Brandal, kulturkonsulent/driftsleiar anlegg

E-post: annika.brandal@ulstein.kommune.no

Leige av Sjøborg kulturhus og kino

Kulturhuset og kinoen kan leigast til konsertar, teater, møte, stemne og andre kulturelle føremål.

All leige av kulturhuset skjer gjennom kulturkontoret i Ulstein kommune.

Her kan du lese meir om leigevilkår, leigesatsar, tekniske spesifikasjonar og bestillingsliste/leigekontrakt(PDF, 290 kB).

Barnebursdag i Ulsteinbadet

Har du lyst å feire bursdagen din i Ulsteinbadet? Vi legg til rette for bading, mat og noko søtt!
Bursdagspakken vår inkluderer inngong til Ulsteinbadet (inntil 2 timar), ei valfri brus, eit pizzastykke og ein valfri is, for 185 kroner per pers (+ 20 kroner for eit ekstra pizzastykke per pers).

Barneselskap bestillast på e-post til ulsteinbadet@ulstein.kommune.no ei veke på førehand, med tal på gjestar. Atterhald om kapasitet.

Ulstein bibliotek

Ulstein bibliotek finn du sentralt plassert i 1. etasje i Ulstein Arena. Kontakt oss på telefon 70 01 02 95 eller på e-post bibliotek@ulstein.kommune.no dersom du vil leige lokale i biblioteket.

Lån av bøker og film er gratis ved biblioteket. Lånetida for bøker er 4 veker, og lånetida for film er 1 veke. Har du ikkje levert inn lånt materiell etter 3. purring, får du tilsendt erstatningskrav.

Ulstein kulturskule

Sjå Ulstein kulturskule si nettside

Kulturskulen har 20 prosents moderasjon for søsken. Dette gjeld også elevar ved fleire disiplinar.

Sal, servering og skjenking

Sals- og skjenkegebyr

Sals- og skjenkegebyra i kommunen følger til ei kvar tid satsar satt i forskrift til alkohollova. Kommunen gir frist for innrapportering av omsetjing som dannar grunnlag for avgift.

Sals- og skjenkegebyr
Sakshandsamingsgebyr	Løyve for 1 dag	For påfølgande dagar
Søknad om alminneleg løyve til einskildarrangement	1 200 kroner	500 kroner
Søknad til lukka arrangement	440 kroner

Etablerarprøva

For å få innvilga serveringsløyve, må den som skal vere dagleg leiar på ein serveringsstad, og som skal servere mat og alkoholfri drikke, ha bestått etablerarprøva. Prisen for etablererprøva er 400 kroner.
Hareid kommune er vertskommune for etablerarprøva, og der får du meir informasjon om tilbodet.

Kunnskapsprøva

For å få innvilga skjenkeløyve må styrar og avløysar av verksemda ha bestått kunnskapsprøva. Prisen for kunnskapsprøven er 400 kroner.
Hareid kommune er vertskommune for kunnskapsprøva, og der får du meir informasjon om tilbodet.

Torghandel og leige av grunn

Alle som skal drive handel utanom fast utsalsstad frå kommunale areal i Ulsteinvik, må betale torgavgift. Salsplass vert berre tildelt etter søknad.

Vi har torgplassar og andre kommunale areal i Ulsteinvik som du kan leige.

Her er reglementet for leige av kommunal eigedom og for handel utanom fast utsalsstad frå kommunal eigedom(PDF, 517 kB).

Leige av torgplass
Leigetid	Enkeltplass	Straum
døgn med straum	100 kr	50 kr
døgn utan straum	100 kr	0 kr

Skule og SFO

SFO–skulefritidsordning

SFO er eit fritidstilbod utanom den ordinære skuledagen. Alle barneskulane i Ulstein har SFO, så sant der er minst seks påmelde ved kvar skule ved skulestart.

I ferien er det tilbod om SFO ved Ulsteinvik barneskule. Det gjeld også barn frå andre krinsar, dersom det er nok søkarar til ordninga.

Betalingssatsar for SFO
SFO-tilbod	Dagar per veke	Pris per månad	Matpengar per månad
Dagplass	2	1200	40
Dagplass	3	1800	60
Dagplass	4	2400	80
Heil plass	5	3000	100

Her finn du meir informasjon om SFO og pris.

Skuleskyss

Du har rett på fri skuleskyss dersom du har meir enn 4 km avstand mellom heim og skule. For førsteklassingar er avstanden 2 km. Du har også rett på fri skuleskyss dersom du på grunn av funksjonshemming, skade eller sjukdom har behov for skyss, uavhengig av avstand mellom bustad og skule. Dersom du har særleg farleg eller vanskeleg skuleveg, eller at det er nødvendig med båt- eller ferjetransport så kan du ha rett på fri skuleskyss. Eleven har ikkje rett til fri skuleskyss i samband med SFO og leksehjelp.

På Møre og Romsdal fylkeskommunes nettsider finn du meir informasjon om skuleskyssordninga.

Sist endra 25.02.2025 14:37