Mykje å feire på Ulstein skule!

Mykje å feire på Ulstein skule!

Ordførarbesøk, opning av forteljarstol og ei kjekk melding frå Kulturdepartementet. Det er gode tider ved Ulstein skule.

Fire elevar i sofaen med kvar si bok. - Klikk for stort bileteKosestund i lesekroken. Liz Torine Enerhaug

– Vi feirar på Ulstein skule. Det tarta med at vi fekk melding om at vi får støtte frå Kulturdepartementet til skulebiblioteket vårt, HURRA for det. Så hadde vi besøk av ordføraren. Han opna offisielt forteljarstolen vår, og han hadde lesestund for både dei minste og dei eldste, fortel ein glad rektor, Norunn Velsvik.

Ordføraren med ordførarkjede står med bok i handa. - Klikk for stort bileteOrdførar Stian Skorgen Scheide med ei favorittbok: Oscar og eg av Maria Parr. Liz Torine Enerhaug

– Ordføraren las både utdrag frå ei krimbok, og utdrag frå superforfattaren vår, Maria Parr. Latteren sat laust då han las frå eit av dei artigaste kapitla i boka «Oscar og eg».
Særleg dei yngste elevane hadde mange spørsmål til ordføraren. Ein av elevane lurte på om han var kjendis. 

Ein kommunal kjendis er han vel?

– Det har vore kjekke dagar. Vi er ekstra glade for at arbeidet vårt med lesing vert sett. God lesekompetanse kan opne dører mot verda, seier rektor.

Raude og blå bokmerke forma som firkantar med andlet på med artige uttrykk. - Klikk for stort bileteFargerike og artige bokmerke laga av elevane. Liz Torine Enerhaug Ordførar og rektor står framme i gymsalen framfor fleire elevar. - Klikk for stort bileteLesestund med ordførar Stian Skorgen Scheide. Rektor Norunn Velsvik ønsker velkomen. Liz Torine Enerhaug Mange bøker på eit bord. - Klikk for stort bileteGamle bøker skulen har fått for sal. Liz Torine Enerhaug

Meir kjekt besøk

Og det er meir kjekt besøk som har vore innom Ulstein skule siste tida. 

Nyleg hadde 1–4.klasse besøk av ambulansen. Dette var ekstra spennande, og ein del av eit opplegg om førstehjelp.

Fleire elevar står saman inne i ambulansen. Båresenga i front. - Klikk for stort bileteSpennande læring inne i ambulansen. Liz Torine Enerhaug Person frå ambulansen står med ryggen til. Framfor han sit fleire elevar og lyttar. - Klikk for stort bileteKjekt og viktig besøk av ambulansen. Liz Torine Enerhaug