Vi tok i bruk digital dialog med brukarane av tenestene praktisk bistand og matombering i 2019. No utvidar vi tilbodet til også å gjelde helsetenester i heimen (heimesjukepleie). 

Dialogen skjer gjennom nettstaden helsenorge.no. Der kan registrerte aktive brukarar (eller deira pårørande med fullmakt) kommunisere digitalt med helsetenestene. 

Melding og kalender for heimetenester

Helsenorge.no har i dag mange tenester for innbyggarane, blant anna kjernejournal og byte av fastlege. Med melding og kalender for kommunale heimetenester vert nettstaden endå meir aktuell.

Vi håpar at innbyggarane vil registrere seg som brukarar på helsenorge.no og ta i bruk digital dialog med tenestene våre. 

Sikker og dokumentert kommunikasjon

I dagens situasjon med pandemi er slik dialog ein enkel og sikker måte å nå tenestene på.

All digital kommunikasjon med helsevesenet skjer trygt gjennom helsenorge.no, og innbyggarane har ei god oversikt over spørsmål og svar. Meldingane mellom brukarane og kommunen kjem inn i den elektroniske pasientjournalen.