Plankart utan omsynssonerUlstein kommune ved teknisk utval har i medhald av plan- og bygningslova § 12-10 vedtatt at forslag til Områdeplan for Ulsteinvik sentrum, (planID 20210001) skal leggast ut til offentleg ettersyn.
Planen legg opp til ei fortetting i sentrum med nedbygging av grå areal og etablering av fleire byrom, grønstruktur og leikeplassar. Ny parkering skal etablerast i parkeringshus eller garasjer/kjellarar. Det er sett av meir areal til mjuke trafikantar i form av fortau, gangareal, gang- og sykkelveg og sykkelprioritert gate.
Områdeplanen legg til rette for ny utbygging og fortetting, i hovudsak gjennom å nytte sentrumsformål som må detaljregulerast. På nokre allereie utbygde areal vil det vere mogleg å bygge på i høgda eller bygge om utan å detaljregulere. Det er søkt å etablere meir kvartalsutforming og trekke nye bygningar inntil gater og vegar for å stramme opp gatestrukturane og skape støyfrie rom for menneske på motsett side av bygningane. Det vert lagt opp til ei maks byggehøgde på inntil seks etasjar.
Ev. merknadar og innspel sendast til postmottak@ulstein.kommune.no eller Ulstein kommune v/Teknisk etat, postboks 143, 6067 Ulstein kommune,
innan 27. mai 2025.
Plandokumenta finn de i arealplaner.no under “planbehandlinger” og “offentlig ettersyn”.
Det er oppretta ein eigen kartportal for plankartet der omsynssoner kan skruast av og på.
Plankartet ligg også i Sunnmørskart
3D-modell av mogleg framtidig utbygging ligg i OpenCities Planner