24. august er Ukraina sin nasjonaldag. Ulstein skule er mottaksskule for elevar som er busette på mottaket i  Ulsteinvik, frå 1.–7. trinn.

– Vi har mange elevar frå Ukraina, og det vart naturleg for oss å feire denne dagen i lag med elevane og foreldra. Vi valde å ha ein norsk vri på feiringa, fortel rektor Synnøve Haug.

Elevane fekk pølse i brød, saft og is. Alle var med og gjekk i tog rundt Skeide.

Norsk vri på ukrainsk feiring. Synnøve Haug

– Vi hadde musikk, fana til skulen og flagg som elevane har laga sjølve. Etterpå markerte vi dagen ved å spele nasjonalsongen til Ukraina ved flaggstonga. Det vart ei flott markering som har gitt skulen meir innsikt i ukrainsk kultur, seier Haug.

Per i dag har skulen 110 elevar.

– Vi er takksame for å kunne gi alle elevane våre trygge og gode skuledagar.

Nasjonaldagen til Ukraina vart også markert med flagging ved Ulstein skule. Synnøve Haug

​